Siloen min
er ikkje bedre enn siloen din.
Han er som andre siloar:
Ein diger tank, hard og solid,
eigna for lagring av produkt i bulk,
store mengder, usortert.
Siloen min er nett slik som din:
Flytande og kaotiske kjensler
vert haldne på plass
av rammer vi tileignar oss
når vi speglar oss i kvarandre.
Påfyll skjer frå toppen,
men uttaket skjer i botnen.
Der tyt det ut,
framleis usortert,
ukontrollert,
lagra over lang tid,
ofte syrleg.